கோலாலம்பூர் பங்களா மார்க்கெட்டில் திடீர் சோதனை; ஏராளமான பங்களாதேசிகள் கைது…!
மலேசிய தலைநகர் கோலாலம்பூரில் அமைந்துள்ள பங்களா மார்கெட்டில் குடிவரவுத்துறை நடத்திய திடீர் சோதனையில் ஐம்பத்திற்கும் மேற்பட்ட பங்களாதேஷிகள் கைது செய்யப்பட்டனர்.
மலேசியாவில் சட்டவிரோதமாக பணியாற்றும் வரும் வெளிநாட்டுத் தொழிலாளர்களின் எண்ணிக்கை நாளுக்கு நாள் அதிகரித்து வருகிறது. இதனைத் தடுக்க மலேசிய அரசு கடுமையான நடவடிக்கைகளை மேற்கொண்டு வருகிறது.
இந்நிலையில் கோலாலம்பூர் பங்களா மார்க்கெட்டில் மலேசிய குடிவரவுத்துறை நடத்திய திடீர் சோதனை நடத்தினர். அதில் 50க்கும் மேற்பட்ட பங்களாதேஷிகள் கைது செய்யப்பட்டனர்.
மலேசியாவில் முறையாகப் பதிவுச்செய்யாத தொழிலாளர்களுக்கு இ-கார்டை பெற்று பணியாற்றுவதற்கான திட்டத்தை மலேசிய அரசு அறிமுகப்படுத்தியது. இதற்கான காலக்கெடு கடந்த ஜூன் 30 வரை நிர்ணயிக்கப்பட்டிருந்தது.
இதையடுத்து ஜூலை 1ஆம் தேதி முதல் மலேசிய குடிவரவுத்துறை பல்வேறு நடவடிக்கைகளை எடுக்கத் தொடங்கியது. இதுவரை பதிவுச் செய்யாத 5000க்கும் மேற்பட்ட வெளிநாட்டுத் தொழிலாளர்களை கைது செய்யப்பட்டுள்ளனர்.
32 மில்லியன் மக்கள் தொகையினைக் கொண்டுள்ள மலேசியாவில் பதிவுச்செய்யப்பட்ட 2 மில்லியன் தொழிலாளர்கள் பணியாற்றுகின்றனர். ஆனால் அதே 2 மில்லியன் அளவிலான பதிவு செய்யப்படாத தொழிலாளர்கள் உள்ளதாக அரசு சாராத் தொண்டு நிறுவனங்கள் குறிப்பிடுகின்றன.
