ஐபிஎல் வரலாற்றில் அதிக தொகைக்கு ஏலம் போய் சாதனை செய்த வீரர்
2017ஆம் ஆண்டின் ஐபிஎல் போட்டிகளுக்கான ஏலம் தற்போது பெங்களூரில் நடைபெற்று வருகிறது. சுழற்சி முறையில் ஐ.பி.எல். அணிகளில் இருந்து விடுவிக்கப்பட்டவர்கள் மற்றும் புதிதாக தேர்வானவர்கள் மற்றும் வெளிநாடுகளைச் சேர்ந்த 130 வீரர்கள் உட்பட மொத்தம் 357 வீரர்கள் ஏலம் எடுக்கப்பட்டு வருகின்றனர்.
இன்று காலை 9 மணிக்கு தொடங்கிய இந்த ஏலத்தில் இந்தியாவின் இஷாந்த் சர்மா, இலங்கை கேப்டன் மேத்யூஸ், இங்கிலாந்து கேப்டன் இயான் மோர்கன், ஆஸ்திரேலியாவின் கம்மின்ஸ், மிட்செல் ஜான்சன் ஆகியோர்கள் அடிப்படை விலையான ரூ.2 கோடிக்கு ஏலம் போனார்கள்
மேலும் புனே அணி இங்கிலாந்து வீரர் பென் ஸ்டோக்ஸை ரூ.14.5 கோடிக்கு ஏலத்தில் எடுத்துள்ளது. ஐபிஎல் வரலாற்றில் அதிக தொகைக்கு ஏலம் எடுக்கப்பட்ட வீரர் என்ற பெருமையை இவர் பெறுகிறார்.
