ஓவியாவுக்கு சோம்பேறி விருது: பிக்பாஸ் நிகழ்ச்சியில் பரபரப்பு
உலக நாயகன் கமல்ஹாசன் நடத்தி வரும் பிக்பாஸ் நிகழ்ச்சி பெரும்பாலும் கிண்டலடிக்கப்பட்டே வருகிறது. குறிப்பாக இந்த நிகழ்ச்சியில் வரும் மோதல் செயற்கைத்தனமாக இருப்பதாகவே பலர் கருதுகின்றனர். இந்த நிலையில் பிக்பாஸ் குழுவின் கேப்டன் சினேகனுடன் ஏற்கனவே மோதலில் ஈடுபட்டிருந்த நடிகை ஓவியா நேற்றைய விருது வழங்கும் விழாவில் மீண்டும் மோதினார்.
பிக்பாஸ் நிகழ்ச்சியில் கலந்து கொண்டவர்களுக்கு நேற்று விருதுகள் வழங்கப்பட்டது. இதில் நடிகை ஓவியாவுக்கு ‘சோம்பேறி’ விருது வழங்கப்படுவதாக அறிவிக்கப்பட்டது. ஆனால் ஓவியா அந்த விருதை பெற மறுத்துவிட்டார். பிக்பாஸ் வழங்கும் விருதை வாங்கியே தீரவேண்டும் என்று கேப்டன் சினேகன் கூறியும் ஓவியா வாங்க மறுத்ததால் பரபரப்பு ஏற்பட்டது.
மேலும் இந்த விழாவில் ஹைஜீனிக் என்ற சுத்தமான விருது நமீதாவுக்கும், கடின உழைப்புக்கான விருது காயத்ரி ரகுராமுக்கும், டிஸ்ஹானஸ்ட் என்ற நேர்மையற்றவர் விருது நடிகர் பரணிக்கும், ஜூலியானாவுக்கு ‘சுத்தமில்லாதவர்’ விருதும் வழங்கப்பட்டது.
