மத்திய பணியாளர் தேர்வு வாரியத்தின் 2013-ம் ஆண்டிற்கான தேர்வு முடிவுகள் நேற்று வெளியானது. இந்த தேர்வில் தமிழகத்தை சேர்ந்த 109 மாணவர்கள் வெற்றி பெற்றுள்ளனர். இதில் மாணவி பினோ ஜெபின் என்பவரும் ஒருவர். இவர் பார்வையற்றவர் என்பது குறிப்பிடத்தக்கது. இவர் மட்டுமின்றி முகமது அஸ்ரப் என்ற மாற்றுத் திறனாளி மாணவரும் இந்த தேர்வில் வெற்றி பெற்று சாதனை படைத்துள்ளனர்.
இந்த இரண்டு மாணவர்களும் சென்னை மேயர் சைதை துரைசாமியின் மனிதநேய அறக்கட்டளை மையத்தில் பயிற்சி பெற்றதால் வெற்றி பெற்றவர்கள் என்பது குறிப்பிடத்தக்கது. இவர்கள் இருவரையும் சேர்ந்த்து மொத்தம் 46 பேர் இவருடைய பயிற்சி மையத்தில் இருந்து வெற்றி பெற்றுள்ளனர் என்பது குறிப்பிடத்தக்கது.
பார்வையற்றவராக இருந்தும் ஐ.ஏ.எஸ் தேர்வில் தனது உழைப்பின்மூலம் வெற்றி பெற்றுள்ள 23 வயது பினோ ஜெபின் தற்போது ஸ்டேட் பாங்க்கில் அதிகாரியாக பணியாற்றுகிறார். பிறவியிலேயே பார்வையற்ற இவர்,ஏற்கனவே ஒருமுறை ஐ.ஏ.எஸ் தேர்வு எழுதி தோல்வி கண்டவர். இது இவருக்கு இரண்டாவது முயற்சி ஆகும். இவர் தனது பாடங்களை பிரெய்ல் முறையில் படித்து தேர்வு எழுதியது கவனிக்கத்தக்கது.
