சிவாஜி-9, கமல் -10, கருணாகரன் -11, பாபிசிம்ஹா – 14
‘ஜிகர்தண்டா’ படத்தில் வித்தியாசமான வில்லன் கேரக்டரில் நடித்து தேசிய விருது பெற்ற நடிகர் பாபிசிம்ஹா தற்போது அவியல், கோ 2, இறைவி, பாம்புச்சட்டை, மெட்ரோ, வல்லவனுக்கு வல்லவன், கவலை வேண்டாம் ஆகிய படங்களில் நடித்து வருகிறார். இந்நிலையில் தற்போது ‘வல்லவனுக்கு வல்லவன்’ படத்தின் படப்பிடிப்பில் பாபிசிம்ஹா கலந்து கொண்டு வருகிறார்.
இந்த படத்தில் பாபிசிம்ஹா இதுவரை நடித்திராத தெருக்கூத்து நடிகர் கேரக்டரில் நடிக்கின்றார். இவருடன் காமெடி நடிகர் கருணாகரனும் தெருக்கூத்து நடிகராக நடித்துள்ளார். இருவரும் பல்வேறு வேடங்களில் தெருக்கூத்து நாடகங்களில் நடித்து வருவதாகவும், இவற்றில் பாபிசிம்ஹா 14 வித்தியாசமான கேரக்டர்களிலும் கருணாகரன் 11 வித்தியாசமான கேரக்டர்களிலும் நடித்து வருகின்றனர்.
ஏற்கனவே சிவாஜிகணேசன் ‘நவராத்திரி’ என்ற படத்தில் ஒன்பது வேடங்களிலும், ‘தசாவதாரம்’ படத்தில் கமல்ஹாசன் பத்து வேடங்களிலும் நடித்துள்ள நிலையில் தற்போது கருணாகரன் 11 வேடங்களிலும், பாபிசிம்ஹா 14 வேடங்களிலும் நடித்து வருகின்றனர் என்பது குறிப்பிடத்தகக்து.
