இங்கிலாந்தில் உள்ள சீக்கியர்களின் குருத்வாரா கோயிலுக்கு திடீர் விசிட் அடித்த பிரதமர் டேவிட் கேமரூன் அங்கிருந்த சமையலறைக்கு சென்று சப்பாத்தி தயாரித்ததாக தகவல்கள் வந்துள்ளது.
இங்கிலாந்து நாட்டில் உள்ள லீமிங்டன் ஸ்பாவில் என்ற இடத்தில் உள்ள குருத்வாராவில் நேற்று நடைபெற்ற சிறப்பு பிரார்த்தனையில் பிரதமர் டேவிட் கேமரூன் கலந்து கொண்டார். பிரார்த்தனை முடிந்தபின்னர் கோயிலை சுற்றிப்பார்த்த பிரதமர், அங்கிருந்த சமையலறைக்குள் சென்றார். அங்கு பெண்கள் சிலர் சப்பாத்தி தயாரித்து கொண்டிருந்தனர். அவர்களுடன் சிறிது நேரம் உரையாடிய பிரதமர் பின்னர் சப்பாத்தி தயாரிப்பது எப்படி என்பதை கற்றுக்கொண்டு சப்பாத்தி தயாரித்தார். இந்த சம்பவம் காரணமாக அங்கிருந்த பெண்கள் ஆச்சரியம் அடைந்தனர்.
இங்கிலாந்தில் வரும் மே மாதம் பொதுத்தேர்தல் நடைபெற உள்ளதால் அவர் பொதுமக்களிடம் நெருங்கி பழகுவதாக கூறப்படுகிறது.
