வைர மோதிரத்துடன் விளைந்த கேரட்: பெண்மணிக்கு கிடைத்த இன்ப அதிர்ச்சி
கனடாவின் அல்பெர்டா நகரில் வசிக்கும் மேரி கிராஸ் என்ற பெண்மணியின் காய்கறி தோட்டத்தில் விளைந்த ஒரு கேரட்டில் வைரமோதிரம் இணைந்துள்ளது. இந்த மோதிரத்தை பார்த்து ஆச்சரிய அடைந்தார் மேரி கிராஸ். ஏனெனில் அவர் அதே தோட்டத்தில் 13 ஆண்டுகளுக்கு முன்னர் தொலைத்த மோதிரம் தான் அது.
கடந்த 2004ஆம் ஆண்டு மேரிகிராஸ் தோட்டத்தில் வேலை செய்து கொண்டிருந்தபோது அவருடைய வைரமோதிரத்தை தொலைத்து விட்டார். எவ்வளவு தேடியும் கிடைக்காத அந்த மோதிரம் தற்போது விளைந்த கேரட் ஒன்றுடன் இணைந்து வந்துள்ளது. 13 ஆண்டுகளுக்கு பின்னர் தொலைந்த மோதிரம் திரும்ப கிடைத்ததில் அந்த பெண் ஆச்சரியம் அடைந்துள்ளார்.
