காலிஃப்ளவர் மிளகு பிரட்டல்

காலிஃப்ளவர் – 1 சிறியது

தக்காளி – 50 கிராம்

வெங்காயம் – 1 கைப்பிடி (பொடியாக நறுக்கியது)

உப்பு – தேவையான அளவு

பூண்டு – 8 பல்லு

இஞ்சி – சிறிய தூண்டு

ப.மிளகாய் – 4

மிளகு – 4 ஸ்பூன்

தனியா தூள் – 2 ஸ்பூன்

கொத்தமல்லி, கறிவேப்பிலை – சிறிதளவு

தாளிக்க :

கறிவேப்பிலை

பட்டை

சோம்பு

செய்முறை :

* தக்காளியை பொடியாக நறுக்கிக்கொள்ளவும்.

* காலிஃப்ளவரை பொடியாக நறுக்கிக்கொள்ளவும்.

* வெந்நீரில்  உப்பு போட்டு அதில் காலிஃப்ளவரை போட்டு வைக்கவும்.

* மிளகை மிக்சியில் போட்டு கொரகொரப்பாக அரைத்துக் கொள்ளவும்.

* இஞ்சி, பூண்டை பொடியாக நறுக்கிக் கொள்ளவும்

* கடாயில் எண்ணெய் ஊற்றி சோம்பு போட்டு வெடித்ததும் பட்டை, கறிவேப்பிலை போட்டு தாளிக்கவும்.

* பின்னர் வெங்காயம் போட்டு நன்கு வதக்கவும்.

* பொடியாக நறுக்கிய இஞ்சி, பூண்டை போடவும்.

* அடுத்து ப.மிளகாய், தக்காளி போட்டு நன்கு வதக்கவும்.

* காலிஃப்ளவர், தேவையான அளவு உப்பு சிறிது தண்ணீர் சேர்த்து 5 நிமிடம் நன்றாக வேக விடவும்.

* காலிஃப்ளவர் வெந்தவுடன் தனியா தூள், மிளகு தூள் சேர்த்து நன்கு கிளறி கொத்தமல்லி, கறிவேப்பிலை போட்டு இறக்கவும்.