விஜய் பாடிய ‘செல்லாக்குட்டி’ பாடல் வரிகளை வெளியிட்ட ஜி.வி.பிரகாஷ்
விஜய், சமந்தா, எமிஜாக்சன் நடிப்பில் உருவாகியுள்ள ‘தெறி’ படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் ஆடியோ ரிலீஸ் விழா வரும் 20ஆம் தேதி ஞாயிறு அன்று வெளியாகவுள்ளது. இந்த விழாவுக்கான ஏற்பாடுகள் நடைபெற்று வரும் நிலையில் இந்த படத்தின் இசையமைப்பாளர் ஜி.வி.பிரகாஷ், விஜய் பாடிய ஒரு பாடலின் நான்கு வரிகளை சற்று முன்னர் தனது டுவிட்டரில் ரிலீஸ் செய்துள்ளார்.
செல்லாக்குட்டியே…
ஒண்ணே ஒண்ணு கண்ணே கண்ணு செல்லாக்குட்டியே
ஐ ஃபார் யூ, யூ ஃபார் மி
சேர்ந்தாக்க சுனாமி
யூ ஃபார் மி ஐ ஃபார் யூ
சேர்ந்தாக்க ஐ லவ் யூ
மேற்கண்ட வரிகளுடன் தொடங்கும் பாடலை விஜய்யும் நீதிமோகன் என்பவரும் இணைந்து பாடியுள்ளனர். ரொமான்ஸ் மற்றும் குத்து கலந்த இந்த பாடல் விஜய் ரசிகர்களை மட்டுமின்றி அனைத்து தரப்பினர்களையும் கவரும் என படக்குழுவினர் நம்பிக்கை தெரிவித்துள்ளனர்.
ஏப்ரல் 14-ஆம் தேதி தமிழ்ப்புத்தாண்டு தினத்தில் ரிலீஸ் ஆகும் இந்த படம் இதுவரை இல்லாத அளவில் மிகப்பெரிய எதிர்பார்ப்பை ஏற்படுத்தியுள்ளது என்பது குறிப்பிடத்தக்கது. கலைப்புலி எஸ்.தாணு தயாரித்துள்ள இந்த படத்தை அட்லி இயக்கியுள்ளார்.
