மேல்மருவத்துார் ஆதிபராசக்தி சித்தர் பீடத்தில், நவராத்திரி அகண்ட தீபத்தை, பங்காரு அடிகளார் நேற்று ஏற்றி வைத்தார். மேல்மருவத்துாரில் ஆதிபராசக்தி சித்தர் பீடம் உள்ளது. இங்கு, ஆண்டுதோறும் நவராத்திரி விழா நடைபெறும்.
இந்த ஆண்டு நவராத்திர விழா, நேற்று துவங்கி, வரும் 22ம் தேதி வரை நடைபெறுகிறது. நேற்று அதிகாலை, 2:30 மணிக்கு ஆதிபராசக்தி அம்மனுக்கு, சிறப்பு அபிஷேகமும், அலங்காரமும் நடைபெற்றது. அம்மனுக்கு தங்க கவசம் அணிவிக்கப்பட்டிருந்தது. சுயம்பு அம்மன் முன் வைக்கப்பட்டிருந்த அகண்ட தீபத்தை, மதியம், 12.20 மணிக்கு பங்காரு அடிகளார் ஏற்றி வைத்தார்.
ஆதிபராசக்தி ஆன்மிக இயக்க தலைவர் லட்சுமி பங்காரு அடிகளார், துணை தலைவர் செந்தில்குமார் ஆகியோர் முன்னிலை வகித்தனர். கோவில் வளாகத்தில், நவராத்திரி கொலு அமைக்கப்பட்டிருந்தது. ஆயிரக்கணகான பக்தர்கள் கலந்து கொண்டனர். மேல்மருவத்துார் சித்தர் பீடத்தில், நவராத்திரி விழாவையொட்டி, பங்காரு அடிகளார் குழந்தைகளுக்கு ஆசி வழங்கினார். விழா ஏற்பாடுகளை, மேல்மருவத்துார் ஆதிபராசக்தி ஆன்மிக இயக்கத்தின், சென்னை மாவட்ட பக்தர்கள் பொறுப்பேற்று செய்திருந்தனர்.
