சென்னை போலீஸ் கமிஷனர் ஜார்ஜ் திடீர் மாற்றம்.
சென்னையில் அவ்வபோது காவல்துறை அதிகாரிகள் மாற்றம் நடைபெற்று வரும் நிலையில் நேற்று திடீரென இரண்டு காவல்துறை உயரதிகாரிகள் மாற்றப்பட்டதால் பெரும் பரபரப்பு ஏற்பட்டுள்ளது. சென்னை காவல்துறை கமிஷனராக இருந்த ஜார்ஜ் நேற்று திடீரென சிறைத்துறை இயக்குனர் பதவிக்கு மாற்றப்பட்டு உள்ளார் என்றும் அவருக்கு பதிலாக சென்னை மாநகர புதிய போலீஸ் கமிஷனராக டி.கே.ராஜேந்திரன் நியமிக்கப்பட்டு உள்ளார் என்றும் தமிழக அரசு உத்தரவில் தெரிவிக்கப்பட்டுள்ளது.
இதேபோல், தற்போது சிறைத்துறை இயக்குனராக இருந்து வரும் ஜே.கே.திரிபாதி, சட்டம்-ஒழுங்கு கூடுதல் டி.ஜி.பி.யாக நியமனம் செய்யப்பட்டுள்ளார். இதற்கான உத்தரவையும் நேற்று தமிழக அரசு பிறப்பித்து உள்ளது. புதிய பதவிகளில் நியமிக்கப்பட்டுள்ள 3 அதிகாரிகளும் இன்று (சனிக்கிழமை) தங்கள் பொறுப்பை ஏற்றுக் கொள்வார்கள் என்று காவல்துறை வட்டாரங்கள் தெரிவிக்கின்றன.
ஒரே நாளில் இரண்டு காவல்துறை உயரதிகாரிகள் நேற்று மாற்றம் செய்யப்பட்டது காவல்துறையினர்களிடையே பெரும் பரபரப்பை ஏற்படுத்தியுள்ளது.
