சென்னை போலீஸ் கமிஷனர் அதிரடி மாற்றம். தேர்தல் ஆணையம் உத்தரவு
தமிழக சட்டமன்ற தேர்தல் அறிவிக்கப்பட்ட தினத்தில் இருந்து தேர்தல் நடத்தை விதிகள் அமலில் இருப்பதால் தேர்தல் ஆணையம் அவ்வப்போது அரசு உயரதிகாரிகளை இடமாற்றம் செய்து வருகிறது. இதுவரை பல ஐ.ஏ.எஸ் மற்றும் ஐ.பி.எஸ். அதிகாரிகள் இடமாற்றம் செய்யப்பட்டுள்ள நிலையில் நேற்று திடீரென சென்னை போலீஸ் கமிஷனர் டி.கே.ராஜேந்திரன் அவர்கள் இடமாற்றம் செய்யப்பட்டார்.
சென்னை போலீஸ் கமிஷனராக இருந்த டி.கே.ராஜேந்திரன் அவர்களுக்கு பதில் புதிய போலீஸ் கமிஷனராக அசுதோஷ் சுக்லா அவர்கள் நியமனம் செய்யப்பட்டுள்ளார்.
அஇதே போல சட்டம் ஒழுங்கு கூடுதல் டிஜிபியாக ஜே.கே. திரிபாதி மாற்றப்பட்டுள்ளார். அவருக்குப் பதிலாக கூடுதல் டிஜிபியாக சி.சைலேந்திரபாபு நியமிக்கப்பட்டுள்ளார். தேர்தல் ஆணையத்தின் உத்தரவின் பேரில், காவல் அதிகாரிகளை மாற்றம் செய்து உள்துறை செயலர் அபூர்வ வர்மா ஆணையிட்டுள்ளார்.
தேர்தல் நெருங்கும் நேரத்தில் சென்னை போலீஸ் கமிஷனர் மாற்றம் செய்யப்பட்டிருப்பது தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.
