சென்னை தியாகராயர் நகரில் பிரபலமாக உள்ள ஒரு நகைக்கடை ஒன்றில் இன்று காலை திடீரென தீ விபத்து ஏற்பட்டதால் அப்பகுதியில் பெரும் பரபரப்பு ஏற்பட்டது.
சென்னை தி.நகர் பனகல் பார்க்அருகே உள்ள ஒரு பிரபல நகைக் கடையில் இன்று அதிகாலை 6.40 மணியளவில் திடீர் தீ விபத்து ஏற்பட்டது. தீ விபத்து ஏற்பட்ட தகவல் கிடைத்தவுடன் சுமார் தீயணைப்பு வண்டிகளில் விரைந்து வந்து தீயை இரண்டு மணிநேரம் போராடி அணைத்தனர். தீ விபத்தில் அந்த நகைக்கடையின் தரைத்தளத்தில் உள்ள பில்லிங் பிரிவு தீவிபத்தால் சேதமடைந்தது. கம்ப்யூட்டர் பில்லிங் மிஷின், மற்றும் சில ஃபைல்கள் தீயில் எரிந்து கருகியது.
இந்த தீவிபத்தை பயன்படுத்தி, கடைக்குள் நுழைந்து நகைகளை கொள்ளையடிக்க சிலர் முயன்றதாகவும், அதில் இருவரை போலீசார் கைது செய்ததாகவும் கூறப்படுகிறது. தீவிபத்து குறித்து வழக்கு பதிவு செய்து போலீஸார் விசாரணை செய்து வருகின்றனர்.
