தலைமைச்செயலாளர் கிரிஜாவுடன் சசிகலா திடீர் ஆலோசனை
அதிமுக சட்டமன்ற தலைவராக தேர்வு செய்யப்பட்டுள்ள சசிகலா, மிக விரைவில் தமிழக முதல்வராக பதவியேற்பார் என்று எதிர்பார்க்கப்படுகிறது.
இந்நிலையில் சற்று முன்னர் தமிழக தலைமை செயலாளர் கிரிஜா வைத்தியநாதன், போயஸ் கார்டன் சென்று சசிகலாவை சந்தித்ததாகவும், இருவரும் பதவியேற்பதற்கான ஏற்பாடுகள் குறித்து ஆலோசனை செய்ததாகவும் அதிமுக வட்டாரங்கள் தெரிவித்துள்ளன.
எனவே இன்னும் ஒருசில மணி நேரங்களில் சசிகலா முதல்வர் பதவியேற்கும் நாள் மற்றும் நேரம் குறித்த அதிகாரபூர்வ அறிவிப்பு 
வெளிவரும் என்று எதிர்பார்க்கப்படுகிறது.
