கிறிஸ் கெய்லின் விஸ்வரூபத்தால் நொறுங்கிய இங்கிலாந்து

கிறிஸ் கெய்லின் விஸ்வரூபத்தால் நொறுங்கிய இங்கிலாந்து

உலகக்கோப்பை டி-20 கிரிக்கெட் போட்டியில் தற்போது சூப்பர் 10 ஆட்டங்கள் நடைபெற்று வருகிறது. நேற்றைய ஒரு போட்டியில் இங்கிலாந்து மற்றும் மேற்கிந்திய தீவுகள் அணிகள் மோதியது.

டாஸ் வென்ற மேற்கிந்திய தீவுகள் அணி முதலில் பீல்டிங் செய்ததால் இங்கிலாந்து அணி பேட்டிங் செய்தது. அந்த அணி 20 ஓவர்களில் 6 விக்கெட்டுக்கள் இழப்பிற்கு 182 ரன்கள் எடுத்தது.

183 ரன்கள் எடுத்தால் வெற்றி என்ற நிலையில் களமிறங்கிய மேற்கிந்திய தீவுகள் அணியின் கிறிஸ் கெய்லின் விஸ்வரூபத்தால் 18.1 ஓவர்களில் 4 விக்கெட்டுக்களை இழந்து 183 ரன்கள் எடுத்து வெற்றி பெற்றது. கிறிஸ் கெய்ல் 48 பந்துகளில் 11 சிக்சர்கள் மற்றும் 4 பவுண்டரிகளுடன் 100 ரன்கள் எடுத்து ஆட்டநாயகன் விருதை கைப்பற்றினார். 

நேற்று நடைபெற்ற மற்றொரு ஆட்டத்தில் வங்கதேச அணியை பாகிஸ்தான் வென்றது. முதலில் பேட் செய்த பாகிஸ்தான் அணி 201 ரன்கள் எடுத்தது. ஆனால் வங்கதேசம் 146 ரன்கள் மட்டுமே எடுத்ததால் 55 ரன்கள் வித்தியாசத்தில் தோல்வி அடைந்தது.

Chennai Today News: Chris Gayle century. West Indees beat England