இடைத்தேர்தலில் காங்கிரஸ் போட்டியில்லை. திருநாவுக்கரசர் அறிவிப்பு
தஞ்சாவூர், அரவக்குறிச்சி மற்றும் திருப்பரங்குன்றம் ஆகிய மூன்று தொகுதிகளின் அதிமுக வேட்பாளர்கள் அறிவிக்கப்பட்டுவிட்டனர். திமுக வேட்பாளர்கள் இன்று அறிவிக்கப்படலாம் என்று எதிர்பார்க்கப்படுகிறது.
இந்நிலையில் மேற்கண்ட மூன்று தொகுதிகளிலும் காங்கிரஸ் போட்டியிடாது என்றும் திமுகவுக்கு ஆதரவு அளிக்கவுள்ளதாகவும் தமிழக காங்கிரஸ் கமிட்டி தலைவர் திருநாவுக்கரசு தெரிவித்துள்ளார்.
இதுகுறித்து அவர் மேலும் கூறியதாவது: திமுக – காங்கிரஸ் கூட்டணி இப்போதும் தொடர்கிறது. எனவே தஞ்சாவூர், அரவக்குறிச்சி, திருப்பரங்குன்றத்தில் திமுக போட்டியிடும். இந்த தொகுதிகளில் திமுக வேட்பாளர்களின் வெற்றிக்காக காங்கிரஸ் பிரச்சாரம் செய்யும் என்று கூறினார்.
இந்நிலையில் பாஜக, மக்கள் நலக்கூட்டணி, பாமக, நாம் தமிழர் ஆகிய கட்சிகள் தனித்து போட்டியிடுவதாக ஏற்கனவே அறிவித்துள்ளன என்பது குறிப்பிடத்தக்கது.
