சீனாவில் பணம் எடுத்துச் சென்ற வாகனம் திடீரென தீப்பிடித்ததல் அந்த வாகனத்தில் இருந்த 6.77 லட்சம் சீன யுவான்கள் அதாவது இந்திய மதிப்பில் சுமார் ரூ.68.34 லட்சம் மதிப்பிலான கரன்சி நோட்டுகள் எரிந்து நாசமாகின. இதனால் சீன அரசு அதிர்ச்சி அடைந்துள்ளது.
சீனாவில் உள்ள நான்னிங், கின்ஷாவ் ஆகிய நகரங்களை இணைக்கும் நெடுஞ்சாலையில் கரன்சி ஏற்றிக்கொண்டு சென்று வாகனம் மிக வேகமாக சென்று கொண்டிருக்கையில் அந்த வாகனத்தில் உள்ள எஞ்சினில் கோளாறு ஏற்பட்டதன் காரணமாக திடீரென தீப்பிடித்தது. உடனடியாக வாகனத்தை நிறுத்திய ஓட்டுனர் வேனில் இருந்து இறங்கி தப்பியோடிவிட்டார்.
தீயணைப்பு வீரர்கள் விரைவாக வந்து தீயணை அணைத்தும் அதற்குள் அந்த வாகனத்தில் இருந்த பெரும்பாலான கரன்ஸிகள் தீயில் கருகி நாசமடைந்தது. அரைகுறையாக எரிந்த நிலையில் 3 லட்சம் யுவான்கள் மட்டும் மீட்கப்பட்டது. பல்வேறு பெட்ரோல் விற்பனையகங்கள், சுங்கச் சாவடிகள் ஆகியவற்றில் வசூலிக்கப்பட்ட தொகை அந்த வாகனத்தில் எடுத்துச் செல்லப்பட்டது.
