மகேஷ்பாபுவுக்கு ஜோடியாகிறார் தீபிகா படுகோனே
தெலுங்கு திரையுலக சூப்பர் ஸ்டார் மகேஷ்பாபு தற்போது பிரம்மோத்சவம் படத்தில் நடித்து முடித்துள்ளார். இந்த படம் வரும் மே மாதம் திரைக்கு வரும் என்று எதிர்பார்க்கப்படும் நிலையில் அடுத்ததாக ஏ.ஆர்.முருகதாஸ் இயக்கவுள்ள படத்தில் நடிக்கவுள்ளார்.
இந்த படத்தின் நாயகியாக நடிக்க சமந்தா, நயன்தாரா, அனுஷ்கா உள்பட பலர் பரிசீலிக்கப்பட்ட நிலையில் தற்போது தீபிகா படுகோனேவை படக்குழுவினர் இறுதி செய்துள்ளதாக கூறப்படுகிறது.
ஆனால் தீபிகா படுகோனே தற்போது ‘பாஸ்ட் அண்ட் ஃபியூரியஸ்’ நாயகன் வின் டீசலுடன் ஒரு ஹாலிவுட் படத்தில் நடித்து வருவதால் அந்த படத்தை முடித்த பின்னர்தான் இந்த படத்தின் படப்பிடிப்பில் கலந்துகொள்வார் என்று கூறப்படுகிறது. விரைவில் இதுகுறித்த அறிவிப்பு வெளிவரும் என முருகதாஸ் தரப்பு தெரிவித்துள்ளது
