ஐபிஎல் கிரிக்கெட் தொடர்: பஞ்சாப் அணி படுதோல்வி
தற்போது நடைபெற்று வரும் ஐபிஎல் கிரிக்கெட் போட்டி தொடரின் நேற்றைய போட்டியில் டெல்லி அணியிடன் பஞ்சாப் அணி படுதோல்வி அடைந்தது.
முதலில் டாஸ் வென்ற டெல்லி அணியின் கேப்டன் ஜாகீர்கான் பந்துவீச்சை தேர்வு செய்தார். இதனால் பேட்டிங் செய்த மில்லர் தலைமையிலான பஞ்சாப் அணி நிர்ணயிக்கப்பட்ட 20 ஓவர்களில் 9 விக்கெட்டுக்களை இழந்து 111 ரன்களை மட்டுமே எடுத்தது. வோஹ்ரா மட்டுமே ஓரளவு நிலைத்து ஆடி 32 ரன்கள் எடுத்தார்.
112 ரன்கள் எடுத்தால் வெற்றி என்ற எளிய இலக்குடன் களமிறங்கிய டெல்லி அணி, 13.3 ஓவர்களில் 2 விக்கெட்டுக்களை மட்டுமே இழந்து வெற்றி பெற்றது. தொடக்க ஆட்டக்காரர் டீகாக் 59 ரன்கள் எடுத்தார். 4 விக்கெட்டுக்களை வீழ்த்திய டெல்லி அணி வீரர் மிஷ்ரா ஆட்டநாயகன் விருதினை தட்டிச்சென்றார்.
இன்று ஐதராபாத் மற்றும் கொல்கத்தா அணிகளுக்கு இடையே ஐதராபாத்தில் போட்டி நடைபெறவுள்ளது.
