கிருத்திகா உதயநிதி தனது கணவர் உதயநிதி ஸ்டாலின் தயாரிப்பில் இயக்கிய வணக்கம் சென்னை திரைப்படம் சுமாராக ஓடியதை அடுத்து அடுத்த படத்திற்கான முயற்சியில் இறங்கிவிட்டார். இந்த படத்தை தயாரிக்க இருப்பது தனுஷின் வொண்டர்பார் நிறுவனம் என்பதுதான் ஆச்சரியமான செய்தி.
கிருத்திகாவின் திரைக்கதையை முழுவதும் கேட்ட தனுஷ், இந்த படத்தை தயாரிக்க ஒப்புக்கொண்டுள்ளார். விஜய் சேதுபதி ஹீரோவாக நடிக்கும் இந்த படத்தில் ஸ்ரீதிவ்யா அவருக்கு ஜோடியாக நடிக்க உள்ளார். தனுஷின் ஆஸ்தான இசையமைப்பாளர் அனிருத் இசையமைபில் இந்த படம் தயாராக உள்ளது.
வரும் ஜூலை மாதம் முதல் படப்பிடிப்பு தொடங்கும் என்றும், 2015 ஜனவரி பொங்கல் திருநாளில் இந்த படத்தை ரிலீஸ் செய்ய திட்டமிட்டுள்ளதாகவும் கூறப்படுகிறது.
