ரஜினி, விஜய் ரசிகர்களை ஏமாற்றிய தனுஷ்
தனுஷ் நடித்த ‘கொடி’ படத்தின் ரிசல்ட் பாசிட்டிவ் ஆக வந்த நிலையில் இன்று தனுஷ் தனது டுவிட்டரில் தனது அடுத்த பட அறிவிப்பு குறித்த தகவலை வெளியிட்டுள்ளார்.
செளந்தர்யா ரஜினிகாந்த் இயக்கத்தில் தனுஷ் நடிக்கவுள்ளதாக கூறப்பட்ட படத்திற்கு ‘நிலவுக்கு என்மேல் என்னடி கோபம்’ என்ற டைட்டில் வைக்கப்பட்டிருந்ததாக அறிவிக்கப்பட்ட நிலையில் தற்போது திடீரென இந்த படத்திற்கு ‘வேலையில்லா பட்டதாரி 2’ என்ற டைட்டில் மாற்றப்பட்டுள்ளது.
தனுஷின் வொண்டர்பார் பிலிம்ஸ், கலைப்புலி எஸ்.தாணுவின் வி.கிரியேஷன்ஸ் ஆகிய நிறுவனங்கள் இணைந்து தயாரிக்கவுள்ள இந்த படத்திற்கு சீன்ரோல்டான் இசையமைக்கவுள்ளார். இந்த படத்தின் படப்பிடிப்பு வரும் டிசம்பர் முதல் தொடங்கும் என தனுஷ் தனது டுவிட்டரில் உறுதி செய்துள்ளார்.
இன்று வரும் தனுஷின் அறிவிப்பு ரஜினி அல்லது விஜய் படத்தின் அறிவிப்பாக இருக்கும் என்று எதிர்பார்க்கப்பட்ட நிலையில் தனுஷின் இந்த அறிவிப்பு ரஜினி, விஜய் ரசிகர்களுக்கு ஏமாற்றமாக அமைந்துள்ளது.
