தனுஷின் ‘அம்மா கணக்கு’ ரிலீஸ் தேதி
தனுஷ் நடிப்பில் உருவாகியுள்ள ‘தொடரி’ மற்றும் ‘கொடி’ ஆகிய திரைப்படங்கள் ஜூன் மற்றும் ஜூலையில் அடுத்தடுத்து ரிலீஸ் ஆகவுள்ளது. இந்நிலையில் அவர் தயாரித்து வந்த இன்னொரு படமான ‘அம்மா கணக்கு’ படத்தின் ரிலீஸ் தேதி ஜூன் 17 என அறிவிக்கப்பட்டுள்ளது.
முக்கிய வேடத்தில் அமலாபால் நடிக்கும் இந்த படத்தில் சமுத்திரக்கனி, ரேவதி உள்பட பலர் நடித்துள்ளனர். அம்மா-மகள் பாசப்பிணைப்பை வெளிப்படுத்தும் படமாக அமைந்துள்ள இந்த படத்தை அஸ்வினி ஐயர் இயக்கியுள்ளார்.
இசைஞானி இளையராஜா இசையமைத்துள்ள இந்த படம் அமலாபாலின் வித்தியாசமான நடிப்பை வெளிப்படுத்தும் படமாக அமையும் என படக்குழுவினர் தெரிவித்துள்ளனர்.
