தனுஷின் பவர்பாண்டி: இன்று முதல் டப்பிங் தொடக்கம். மார்ச் 9-ல் ஆடியோ வெளியீடு
பிரபல நடிகர் தனுஷ் இயக்கியுள்ள முதல் படமான ‘பவர்பாண்டி’ படத்தின் படப்பிடிப்பு இன்னும் ஒரு நாள் மட்டுமே மீதமிருப்பதாகவும், இந்த படத்தின் படப்பிடிப்பு முடிந்தவுடன் உடனே போஸ்ட் புரடொக்ஷன்ஸ் பணிகள் தொடங்கவுள்ளதாகவும் தனுஷ் தனது டுவிட்டரில் குறிப்பிட்டுள்ளார்
மேலும் இன்று முதல் டப்பிங் பணிகள் தொடங்கவுள்ளதாகவும், முதல்கட்டமாக ராஜ்கிரண் டப்பிங் பணியை இன்று தொடங்குவதாகவும் அவர் தெரிவித்துள்ளார்.
இந்நிலையில் சீன்ரோல்டான் இசையமைத்த இந்த படத்தின் பாடல்கள் வரும் மார்ச் மாதம் 9ஆம் தேதி சென்னையில் வெளியிட திட்டமிட்டுள்ளதாகவும், இந்த படம் வரும் ஏப்ரல் 14ஆம் தேதி தமிழ்ப்புத்தாண்டு விருந்தாக திரைக்கு வரவுள்ளதாகவும் படக்குழுவினர் தெரிவித்துள்ளனர்.
ராஜ்கிரண், பிரசன்னா, நதியா, சாயாசிங், டெல்லி கணேஷ், ரோபோ சங்கர், வித்யூ ராமன் உள்பட பலர் இந்த படத்தில் நடித்துள்ளனர். மேலும் தனுஷ், மடோனா செபாஸ்டியன், கவுதம் மேனன், டிடி என்ற திவ்யத்ர்ஷினி ஆகியோர் இந்த படத்தில் சிறப்பு தோற்றத்தில் நடித்துள்ளனர் என்பது குறிப்பிடத்தக்கது
