தனுஷ்-செல்வராகவன் இணையும் படத்தில் இசையமைக்கும் அனிருத்
தனுஷ்-சமந்தா நடிப்பில் அனிருத் இசையமைப்பில் உருவான ‘தங்கமகன்’ திரைப்படம் நாளை முதல் உலகெங்கும் தமிழ், தெலுங்கு ஆகிய இருமொழிகளில் ரிலீசாகவுள்ளது. இந்நிலையில் தனுஷ், சமந்தா மற்றும் அனிருத் ஆகிய மூவரும் விரைவில் இன்னொரு புதிய படத்தில் இணையவுள்ளதாக செய்திகள் வெளிவந்துள்ளது.
செல்வராகவன் இயக்கவுள்ள புதிய படத்தில்தான் இந்த மூவரும் இணையவுள்ளனர் என்பது குறிப்பிடத்தக்கது. சிம்பு நடித்த ‘கான்’ படத்தை கைவிட்டதை அடுத்து தனுஷ் நடிக்கும் படத்தை செல்வராகவன் இயக்கவுள்ளார் என்று ஏற்கனவே செய்திகள் வெளிவந்த நிலையில் தற்போது அந்த செய்தி உறுதியாகியுள்ளது.
வரும் 2016ஆம் ஆண்டு பிப்ரவரி மாதம் இந்த படத்தின் படப்பிடிப்பு தொடங்கவுள்ளதாகவும், இந்த படத்தை தயாரிக்கும் தனுஷ் இதுகுறித்த அதிகாரபூர்வ அறிவிப்பை விரைவில் வெளியிடுவார் என்றும் கூறப்படுகிறது. பீப் பாடல் சர்ச்சையில் சிக்கியிருந்தாலும் அனிருத்துக்கு கிடைக்கும் வாய்ப்பு குறையவில்லை என்பதையே இது காட்டுவதாக கோலிவுட்டில் பேசப்பட்டு வருகிறது.
