அமீர்கான், அபிஷேக் பச்சன், காத்ரீனா கைப் நடித்த தூம் 3, உலக அளவில் மிகப்பெரிய வெற்றி பெற்று வசூல் சாதனை புரிந்தது. இந்த படத்தின் வசூல் 500 கோடி ரூபாயை தாண்டிவிட்டதாக கூறப்படுகிறது. இந்நிலையில் இந்த படத்தை தயாரித்த யாஷ் நிறுவனம், தற்போது தூம் 4 படத்தை தொடங்க ஆயத்த நிலையில் உள்ளது.
தூம் 4 படத்தில் பெண்களூக்கு முக்கியத்துவம் கொடுக்கப்பட உள்ளதாகவும், இதில் வரும் போலீஸ் கேரக்டர்கள் உள்பட கதாநாயகன், வில்லன் போன்ற அனைத்து கேரக்டர்களும் பெண் கேரக்டர்களாக மாற்றப்பட்டு, முழுக்க முழுக்க பெண்கள் நடிக்கும் படமாக இது இருக்கும் என தயாரிப்பு நிறுவனம் கூறியுள்ளது.
அபிஷேக் பச்சன் மற்றும் உதய் சோப்ரா நடித்த ஜெய், அலி என்னும் இரு கேரக்டர்களை ஜெய்ஸ்ரீ, அலினா என பெயர் மாற்றி, அந்த வேடங்களில் முன்னணி நடிகைகளை நடிக்க வைக்க முடிவு செய்யப்பட்டுள்ளதாக கூறப்படுகிறது.
தூம் 3 போலவே தூம் 4 படமும் மிகப்பெரிய வெற்றி பெறுமா என்பதை பொறுத்திருந்துதான் பார்க்க வேண்டும்.
