நயன்தாராவின் ‘டோரா’ டீசர் எப்போது?
நயன்தாரா நடித்த திகில் படமான ‘டோரா படத்தின் படப்பிடிப்பு சமீபத்தில் முடிவடைந்த நிலையில் தற்போது இந்த படத்தின் போஸ்ட் புரடொக்ஷன்ஸ் பணிகளும் இறுதிக்கட்டத்தில் உள்ளது. இந்த படம் வரும் ஏப்ரல் மாதம் வெளியாகும் என்று எதிர்பார்க்கப்படும் நிலையில் இந்த படத்தின் டீசர் நாளை வெளியாகவுள்ளது. இதை உறுதி செய்யும் வகையில் டீசர் ரிலீஸ் தேதியுடன் கூடிய போஸ்டர் தற்போது இணையதளங்களில் வெளியாகியுள்ளது.
பிரபல இயக்குனர் சற்குணம் தயாரிக்கும் இந்த படத்தை அவரது உதவியாளர் தாஸ் ராமசாமி இயக்கியுள்ளார்.
நயன்தாரா, தம்பிராமையா, ஹரிஷ் உத்தமன் உள்பட பலர் நடித்துள்ள இந்த படத்திற்கு தினேஷ் கிருஷ்ணன் ஒளிப்பதிவும், கோபிகிருஷ்ணா படத்தொகுப்பும் செய்துள்ளனர். விவேக்-மெர்வின் இசையமைத்துள்ள இந்த படத்தில் அனிருத் ஒரு பாடலை பாடியுள்ளார் என்பது குறிப்பிடத்தக்கது.
