தேர்தல் முடிவுகளை உடனுக்குடன் தெரிவிக்கும் தேர்தல் ஆணையத்தின் இணையதளம்.
தமிழகத்தின் நடைபெற்று முடிந்த சட்டமன்ற தேர்தலின் வாக்கு எண்ணிக்கை இன்று காலை 7 மணி முதல் எண்ணப்படவுள்ள நிலையில் தேர்தல் முடிவுகளை தெரிந்து கொள்ள தமிழக மக்கள் மிகுந்த ஆவலுடன் உள்ளனர். தமிழகத்தை ஆளும் அடுத்த முதல்வர் யார், ஆட்சியை பிடிக்கும் கட்சி எது? என்பதை தெரிந்து கொள்ள தமிழக மக்கள் அனைவரும் இன்று மாலைக்குள் தெரிந்து கொள்வார்கள்
இந்நிலையில் தேர்தல் முடிவுகளை பொதுமக்கள் உடனுக்குடன் அறிந்து கொள்ளும் வகையில் அனைத்து பிரபல தொலைக்காட்சிகளும் நேரடி ஒளிபரப்புக்கு ஏற்பாடுகள் செய்துள்ளன. எனவே முன்னணி நிலவரங்கள் உடனுக்குடன் தெரிந்து கொள்ளலாம்.
இந்நிலையில் தொலைக்காட்சி அருகே இல்லாதவர்கள், பயணம் செய்பவர்கள் ஆகியோர்களும் தேர்தல் முடிவை தெரிந்து கொள்ளும் வகையில் இணையதளம் மூலம் தேர்தல் முடிவுகளை உடனுக்குடன் வெளியிட தேர்தல் ஆணையம் ஏற்பாடு செய்துள்ளது.
இது குறித்து, தேர்தல் ஆணையத்தின் இயக்குநர் திரேந்திர ஓஜா வெளியிட்டுள்ள செய்திக்குறிப்பில் கூறப்பட்டுள்ளதாவது: “வாக்கு எண்ணிக்கை நிலவரங்கள், முடிவுகள் உள்ளிட்ட அனைத்து விவரங்களையும் இன்று காலை 8 மணியில் இருந்து தெரிந்து கொள்ளலாம். www.eciresults.nic.in என்ற இணையதளம் மூலம் வாக்கு எண்ணிக்கை நிலவரங்களை தெரிந்து கொள்ளலாம்’ என கூறியுள்ளார்.
