கொரோனாவால் பாதிக்கப்பட்ட இங்கிலாந்து பிரதமர் மருத்துவமனையில் அனுமதி!
கொரோனா வைரஸ் உலகம் முழுவதும் பல்வேறு நாடுகளை பாதித்து வரும் நிலையில் இந்த வைரஸ் தொற்று இங்கிலாந்து அரசு குடும்பத்தினரையும் இங்கிலாந்து பிரதமர் போரிஸ் ஜான்சனையும் தாக்கியது என்பதை ஏற்கனவே பார்த்தோம்
இந்த நிலையில் இங்கிலாந்து பிரதமர் போரீஸ் ஜான்சன் தனது இல்லத்தில் தன்னைத்தானே தனிமைப்படுத்தி கொண்டு அங்கிருந்தபடியே வீடியோ கான்ப்ரன்ஸில் பணி செய்து கொண்டிருந்தார்.
இந்த நிலையில் 10 நாட்களுக்கு பின்னர் மீண்டும் அவருக்கு நோயின் அறிகுறி தென்பட்டதால் அவர் மருத்துவமனையில் அனுமதிக்கப்பட்டுள்ளதாகவும் மருத்துவர்கள் அவருக்கு சிகிச்சை அளித்து வருவதாகவும் செய்திகள் வெளிவந்துள்ளது இந்த தகவல் குறித்து பிரதமர் அலுவலகம் கூறுகையில் இது ஒரு முன்னெச்சரிக்கை நடவடிக்கை என தெரிவித்துள்ளது.
