இங்கிலாந்து எதிரான டி-20 போட்டி. இங்கிலாந்து வெற்றி
இலங்கை கிரிக்கெட் அணி இங்கிலாந்து நாட்டில் சுற்றுப்பயணம் செய்து வரும் நிலையில் ஒருநாள் கிரிக்கெட் போட்டி தொடரை 0-3 என்ற கணக்கில் தோல்வி அடைந்தது. இந்நிலையில் நேற்று முன் தினம் நடைபெற்ற டி-20 போட்டியிலும் இலங்கை அணி தோல்வியை தழுவி, இந்த சுற்றுப்பயணத்தில் ஒரு வெற்றியை கூட ருசிக்காமல் நாடு திரும்புகிறது.
டாஸ் வென்ற இலங்கை அணி முதலில் பேட்டிங் செய்தது. நிர்ணயிக்கப்பட்ட 20 ஓவர்களில் அந்த அணி அனைத்து விக்கெட்டுக்களையும் இழந்து 140 ரன்கள் எடுத்தது. அதிகபட்சமாக குணதிலகா 26 ரன்கள் எடுத்தார்.
141 ரன்கள் எடுத்தால் வெற்றி என்ற எளிய இலக்கை நோக்கி விளையாடிய இங்கிலாந்து அணி, 17.3 ஓவர்களில் இரண்டு விக்கெட்டுக்களை மட்டுமே இழந்து 144 ரன்கள் எடுத்து வெற்றி பெற்றது. பட்லர் 73 ரன்களும், மோர்கன் 47 ரன்களும் எடுத்து ஆட்டமிழக்காமல் இருந்தனர்.
