நியூசிலாந்துக்கு வெற்றியை தேடித்தந்த மழை. இங்கிலாந்து பரிதாபம்.

உலகக்கோப்பை 20 ஓவர்கள் கிரிக்கெட் போட்டியின் நேற்றைய ஆட்டத்தில் இலங்கை மற்றும் நியூசிலாந்து அணிகள் வெற்றி பெற்றன.

முதல் ஆட்டத்தில் இலங்கை அணி 5 ரன்கள் வித்தியாசத்தில் வெற்றி பெற்றது என்பதை நாம் ஏற்கனவே பார்த்தோம். நேற்று நடந்த இரண்டாவது ஆட்டத்தில் மழை காரணமாக நியூசிலாந்து D/L முறையின்படி வெற்றி பெற்றதாக அறிவிக்கப்பட்டது.

முதலில் பேட்டிங் செய்த இங்கிலாந்து அணி 20 ஓவர்களில் அபாரமாக பேட்டிங் செய்து 172 ரன்களை குவித்தது. இங்கிலாந்து அணியின் லம்ப் 33 ரன்களும், எம்.எம்.அலி 36 ரன்களும், பட்லர் 32 ரன்களும் எடுத்தனர்.

பின்னர் 173 ரன்கள் என்ற இலக்கை விரட்டிய நியூசிலாந்து அணி 52 ரன்கள் எடுத்திருந்தபோது மழை குறுக்கிட்டது. கனமழை காரணமாக மைதானம் முற்றிலும் நனைந்துவிட்டதால், D/L முறையின்படி நியூசிலாந்து அணி 9 ரன்கள் வித்தியாசத்தில் வெற்றி பெற்றதாக அறிவிக்கப்பட்டது. நியூசிலாந்து அணியில் இரண்டு விக்கெட்டுக்களை வீழ்த்திய ஆண்டர்சன் ஆட்டநாயகனாக தேர்ந்தெடுக்கப்பட்டார்.

இன்றைய ஆட்டத்தில் இந்தியா-மேற்கிந்திய தீவுகள் அணிகளும், ஆஸ்திரேலியா -பாகிஸ்தான் அணிகளும் மோதுகின்றன.