ரஜினியின் ‘எந்திரன்’ சாதனையை முறியடித்தது விஜய்யின் ‘தெறி’
சூப்பர் ஸ்டார் ரஜினிகாந்த் நடித்த ‘எந்திரன்’ திரைப்படம்தான் இதுவரை தமிழக விநியோகிஸ்தர்களுக்கு அதிக லாபம் கொடுத்த படம் என்ற சாதனையை கையில் வைத்திருந்தது. இந்த படத்தால் தமிழக விநியோகிஸ்தர்களுக்கு ரூ.55 கோடி லாபம் கிடைத்தது.
இந்நிலையில் இந்த சாதனையை விஜய்யின் ‘தெறி’ திரைப்படம் முறியடித்துள்ளது. ‘தெறி’ திரைப்படம் கடந்த தமிழ்ப்புத்தாண்டு தினத்தில் வெளியாகி பல்வேறு வசூல் சாதனையை செய்துள்ள நிலையில் தமிழக விநியோகிஸ்தர்களுக்கு ரூ.55 கோடிக்கும் மேல் லாபம் கொடுத்த படம் என்ற பெருமையை பெற்றுள்ளது.
மேலும் சூர்யாவின் ’24’ படத்திற்கு கலவையான விமர்சனம் கிடைத்துள்ளதால் இன்னும் ‘தெறி’ திரைப்படம் 50% பார்வையாளர்களுடன் திரையரங்குகளில் ஓடிக்கொண்டிருக்கின்றது. எனவே இந்த படத்தால் விநியோகிஸ்தர்களுக்கு மொத்தம் ரூ.75 கோடி லாபம் கிடைக்கும் என எதிர்பார்க்கப்படுகிறது. இந்த சாதனையை ரஜினியின் அடுத்தபடமான ‘கபாலி’ முறியடிக்குமா? என்பதை பொறுத்திருந்து பார்ப்போம்
