ஐரோப்பிய கால்பந்து சாம்பியன்ஷிப் போட்டி: ஜெர்மனி-போலந்து அணிகள் டிரா
ஐரோப்பிய கால்பந்து சாம்பியன்ஷிப் போட்டி தற்போது பிரான்ஸ் நாட்டில் நடைபெற்று வருகிறது. இந்திய நேரப்படி இன்று அதிகாலை ஜெர்மனி-போந்து அணிகளுக்கு இடையே நடந்த விறுவிறுப்பான ஆட்டம் டிராவில் முடிந்தது.
உலக சாம்பியனான ஜெர்மனி அணி போலந்து அணியை மிக எளிதில் வீழ்த்தும் என்று எதிர்பார்க்கப்பட்ட நிலையில் போலந்து வீரர்கள் ஜெர்மனி அணிக்கு சமமாக ஈடுகொடுத்து விளையாடினார்கள். ஜெர்மனியின் கோல் வாய்ப்புகளை பலமுறை முறியடித்த நிலையில் ஆட்டத்தின் 55-வது நிமிடத்தில் போலந்து அணிக்கு கோல் அடிக்க வாய்ப்பு கிடைத்தது. ஆனால் அந்த அணி வீரர் மிலீக் அதை தவறவிட்டார். கோல் அடிக்க முயற்சி செய்த ஜெர்மனி அணிக்கும் கடைசி வரை ஏமாற்றமே மிஞ்சியது. ஆட்டம் முடிவில் கோல் எதுவும் விழாமல் இந்த ஆட்டம் டிரா ஆனது.
