வாஷிங்டன்: ஆண், பெண் இருவரும் சமம். சமத்துவத்திற்கு கைகொடுக்கும் வகையில் பேஸ்புக் பக்கத்தில் உள்ள ஃப்ரெண்ட் ரிக்வெஸ்ட் ஐகானில் ஒரு சிறிய(பெரிய) மாற்றத்தை பேஸ்புக் நிறுவனம் கொண்டு வந்துள்ளது. சமூக பிரச்னையில் தன் அக்கறையையும், ஆதரவையும் தரும் பேஸ்புக் நிறுவனம், இம்முறை சமுதாயத்தில் பெண்களின் நிலையை எடுத்துக் காட்டுவதற்காக, பெண்களை மேம்படுத்துவதற்காக இந்த புதிய மாற்றத்தை ஏற்படுத்தியுள்ளது.
முன்பு பிரண்ட் ரிக்வெஸ்ட் ஐகானில் ஆணின் பின்னால் ஒரு பெண் இருப்பது போன்று இருந்தது. தற்போது பெண்ணின் பின்னால் ஒரு ஆண் இருப்பது போன்ற ஐகானை பேஸ்புக் மாற்றியுள்ளது. மேலும், முன்பு இருந்த ஐகானின் பெண்ணின் உயரம், ஆணுக்கு சற்று குறைவாக இருக்கும்.
ஆனால், தற்போதைய ஐகானின் இரண்டு உருவங்களுமே சரிசமமாக இருப்பது குறிப்பிடத்தக்கது. முன்னதாக சில நாட்களுக்கு முன் பேஸ்புக் தனது லோகாவை மாற்றியிருந்தது. தற்போது இது போன்ற மாற்றங்களை கொண்டு வந்துள்ளது வரவேற்கத்தக்கது.
