கடந்த வாரம் வெளியான அஜீத்தின் ‘என்னை அறிந்தால்’ திரைப்படம் ஒரே வாரத்தில் ரூ.100 கோடி வசூல் செய்துவிட்டதாக தகவல்கள் வெளிவந்துள்ள நிலையில் இந்த படத்தின் வசூல் திருப்தி தரவில்லை என்றும், அதனால் தியேட்டர் அதிபர்கள் கடும் அதிருப்தியில் இருப்பதாகவும் ஒரு மாலை நாளிதழில் செய்திகள் வெளிவந்துள்ளதாக ஒரு வதந்தி ஒன்று இன்று காலை திடீரென தோன்றியுள்ளது.
இதனால் அதிர்ச்சி அடைந்த அஜீத் ரசிகர்கள் அந்த மாலை நாளிதழை வாங்கி பார்த்தபோது அப்படி ஒரு செய்தி அந்த பேப்பரில் வரவே இல்லை என்ற உண்மை தெரிந்தது. யாரோ சில விஷமிகள் அந்த நாளிதழை போட்டோஷாப் மூலம் பொய்யான செய்தியை உருவாக்கி சமூக வலைத்தளங்களில் பதிவு செய்தது தற்போது வெட்ட வெளிச்சமாகியுள்ளது.
உடனடியாக அஜீத் ரசிகர்கள் ஒரிஜினல் பேப்பரையும், போட்டோஷாப் செய்யப்பட்ட டூப்ளிகேட் பேப்பரையும் அருகருகே புகைப்பட ஆதாரத்துடன் இணையத்தில் வெளியிட்டு மர்ம விஷமிகளின் முகத்திரையை கிழித்தனர். இதனால் கோலிவுட் வட்டாரத்தில் பெரும் பரபரப்பு ஏற்பட்டுள்ளது.
இதனிடையே இன்று தனுஷ் நடித்த அனேகன் திரைப்படம் வெளியாகியுள்ள போதிலும், அஜீத்தின் என்னை அறிந்தால் படத்திற்கு கூட்டம் குறையவில்லை என தியேட்டர் அதிபர்கள் கருத்து கூறியுள்ளனர். படம் வெளியான இரண்டே நாளில் சக்சஸ் மீட்டிங் என்று போலியாக வெற்றி விழா கொண்டாடும் திரையுலகினர் மத்தியில் சூப்பர் ஹிட் வெற்றியை கொடுத்தும் அமைதியாக அடுத்த படத்திற்குண்டான டிஸ்கஷனில் இறங்கியிருக்கும் தல அஜீத்தை கண்டிப்பாக பாராட்டியே ஆகவேண்டும்
