யாராவது அதிகபிரசங்கித்தனமாக பேசினால் அவருக்கு நாக்கு நீளம் என்று கூறுவதுண்டு. ஆனால் அமெரிக்காவை சேர்ந்த ஒருவர் தனது நீளமான நாக்கு காரணமாக கின்னஸ் சாதனை புத்தகத்தில் இடம்பெற்றுள்ளார்.
அமெரிக்காவை சேர்ந்த நியூயார்க் நகரில் வாழும் பெய்ரான் ஷெல்ன்கர் என்பவர் உலகின் மிக அகலமான நாக்கை பெற்றிருப்பவர் என்ற கின்னஸ் சாதனையை படைத்துள்ளார்.இவருடைய நாக்கின் நீளம் 8.6செமீ என்பது குறிப்பிடத்தக்கது. ஒரு ஐபோனின் அகலத்தை விட இவருடைய நாக்கு இரண்டு செமீ அதிகம் என்பது குறிப்பிடத்தக்கது.
அகலமான நாக்கை பெற்று கின்னஸ் சாதனை பெற்ற இவருடைய மகளும் உலகிலேயே அகலமான நாக்கை பெற்ற பெண் என்ற கின்னஸ் சாதனையை பெற்றுள்ளார் என்பது குறிப்பிடத்தக்கது. இவருடைய 14 வயது மகள் 7.3 செமீ நீளமான நாக்கை கொண்டுள்ளார்.
கின்னஸ் சாதனையாளர் தந்தை மற்றும் மகள் ஆகிய இருவரின் நாக்கின் அகலத்தையும் பரிசோதனை செய்து இருவருக்கும் ஒரே நேரத்தில் கின்னஸ் சாதனை சான்றிதழை கொடுத்தனர். நாக்கினால் கின்னஸ் சாதனை பெற்ற குடும்பத்தினர்களுக்கு வாழ்த்துக்கள் குவிந்து வருகின்றது.
