கர்நாடக சட்டசபை தேர்தல்: பாஜகவின் முதல் வேட்பாளர் பட்டியல் வெளியீடு
கர்நாடக மாநில சட்டசபைக்கு அடுத்த மாதம் 12ஆம் தேதி சட்டமன்ற தேர்தல் நடைபெறவுள்ள நிலையில் பாஜக முதல்கட்டமாக 72 வேட்பாளர்கள் கொண்ட முதல் பட்டியலை நேற்று வெளீயிட்டுள்ளது.
நேற்று டெல்லியில் நடைபெற்ற பாஜக கட்சியின் உயர் மட்ட குழு கூட்டத்தில் பிரதமர் மோடி, தேசிய தலைவர் அமித்ஷா உள்ளிட்ட பலர் கலந்து கொண்டனர். இந்த கூட்டத்தில் 72 பேர் கொண்ட வேட்பாளர்கள் அடங்கிய முதல் கட்ட பட்டியலை பாஜகவின் கட்சியின் மூத்த தலைவர் ஜே.பி.நட்டா வெளியிட்டுள்ளார்.
கர்நாடக மாநிலத்தின் முதல் மந்திரி வேட்பாளராக எடியூரப்பா சிகாரிபுரா தொகுதியிலும், மூத்த தலைவர்களான ஜகதீஷ் ஷெட்லர் ஹூப்ளி தார்வாட் மத்தியிலும், கே.எஸ்.ஈஸ்வரப்பா ஷிமோகா தொகுதியிலும் போட்டியிடுவதாக அந்த பட்டியலில் குறிப்பிடப்பட்டுள்ளது.
