சூப்பர் ஸ்டார் ரஜினிகந்த், இளையதளபதி விஜய் ஆகியோர்களை விட பணவிஷயத்தில் அஜீத் முந்தி இருப்பதாக உலக அளவில் பிரபலமான இணையதளம் ஒன்று கருத்துக்கணிப்பு ஒன்றில் கூறியுள்ளது.
பிரபல இணையதளமான ஃபோர்ப்ஸ் இணையதளம் இந்திய நட்சத்திரங்கள் இடையே பணம், புகழ் குறித்து ஒரு கருத்துக்கணிப்பை எடுத்தது. இந்த கருத்துக்கணிப்பில் ரஜினிகாந்த் சம்பாதிக்கும் திறனில் இந்திய அளவில் 21வது இடத்தில் இருப்பதாகவும், இளையதளபதி விஜய் 23வது இடத்தில் இருப்பதாகவும் கூறியுள்ளது. ஆனால் இவர்கள் இருவரையும் விட மிக அதிகமாக அஜீத் சம்பாதிப்பதாகவும், அவர் இந்திய அளவில் 19வது இடத்தில் இருப்பதாகவும் அந்த கருத்துக்கணிப்பு கூறுகின்றது.
அதே நேரத்தில் ரஜினி, அஜீத் ஆகிய இருவரையும்விட விஜய்க்கு புகழ் அதிகளவில் இருப்பதாக அந்த கருத்துக்கணிப்பு தெரிவித்துள்ளது., புகழ் விஷயத்தில் விஜய் 80வது இடத்தில் உள்ளார். ஆனால் ரஜினிகாந்த் 89வது இடத்திலும், அஜீத் 98வது இடத்திலும் உள்ளதாக அந்த கருத்துக்கணிப்பு கூறுகிறது.
ஆனால் இவர்கள் மூவரையும் ஆஸ்கார் நாயகன் ஏ.ஆர்.ரஹ்மான் முந்தியுள்ளார். அவர் பணம், புகழ் இரண்டிலும் 15வது இடத்தில் உள்ளார் என்பது குறிப்பிடத்தக்கது. அகில இந்திய அளவில் சல்மான்கான் முதலிடத்திலும், அமிதாப்பச்சன் இரண்டாவது இடத்திலும், ஷாருக்கான் மூன்றாவது இடத்திலும் பணம்,புகழ் ஆகிய இரண்டிலும் உள்ளனர் என்பது குறிப்பிடத்தக்கது.
