நாளை பிளஸ் 2 தேர்வு: தயார் நிலையில் பறக்கும் படைகள்!
தமிழகம் முழுவதும் நாளை முதல் பிளஸ் 2 வகுப்புக்கான பொதுத் தேர்வு தொடங்குகிறது. இந்த தேர்வை மாநிலம் முழுவதும் 8.35 லட்சம் மாணவர்கள் எழுத உள்ளனர் என்பது குறிப்பிடத்தக்கது
நாளை அதாவது மார்ச் 2ஆம் தேதி தொடங்கும் பிளஸ் 2 வகுப்புக்கான பொதுத் தேர்வுமார்ச் 24-ம் வரை நடைபெறும் இந்த தேர்வின் முடிவுகள் ஏப்ரல் 24-ம் தேதி வெளியாகும்.
தேர்வுகள் காலை 10 மணிக்கு தொடங்கி மதியம் 1.15 மணிக்கு முடியும். முதல் 10 நிமிடங்கள் வினாத்தாளை வாசித்துப் பார்க்கலாம். அடுத்த 5 நிமிடம் மாணவர் தேர்வுக்கூட நுழைவுச்சீட்டு மற்றும் சுயவிவரங்கள் சரிபார்க்கப்படும். அதன்பின் மாணவர்கள் காலை 10.15 முதல் மதியம் 1.15 வரை 3 மணி நேரம் தேர்வு எழுதலாம்.
தேர்வில் மாணவர்கள் முறைகேடு செய்வதை தடுக்க 4 ஆயிரம் பறக்கும் படைகள் தயார் நிலையில் உள்ளதாகவும், முறைகேடு செய்யும் மாணவர்களுக்கு கடும் தண்டனைகள் வழங்கப்படும் என்றும் அறிவிக்கப்பட்டுள்ளது
