அஜித், விஜய், சிவகார்த்திகேயன் இயக்குனர் படத்தில் ஜி.வி.பிரகாஷ்
அஜித் நடித்த பூவெல்லாம் உன் வாசம்’, ராஜா, விஜய் நடித்த சூப்பர் ஹிட் படமான ‘துள்ளாத மனமும் துள்ளும், மற்றும் சிவகார்த்திகேயன் நடித்த ‘மனம் கொத்தி பறவை போன்ற படங்களை இயக்கிய இயக்குனர் எழில் தற்போது விஷ்ணு நடிப்பில் ‘வேலைன்னு வந்துட்டா வெள்ளைக்காரன்’ படத்தை இயக்கி முடித்துள்ளார். இந்த படம் விரைவில் ரிலீஸ் ஆகவுள்ள நிலையில் அவர் தனது படத்திற்கான ஆரம்பகட்ட பணியை தொடங்கிவிட்டதாக கூறப்படுகிறது.
எழில் இயக்கவுள்ள அடுத்த படத்தில் ஜி.வி.பிரகாஷ் நடிக்கவுள்ளதாகவும் இது ஒரு முழுக்க முழுக்க ரொமான்ஸ் படம் என்றும் கூறப்படுகிறது.இந்த படத்திற்கான ஆரம்பகட்ட பேச்சுவார்த்தை முடிந்துவிட்டதாகவும் விரைவில் இந்த படத்தின் மற்ற தகவல்கள் வெளிவரும் என்றும் கூறப்படுகிறது.
புரூஸ்லீ, எனக்கு இன்னொரு பேர் இருக்கு, ராஜீவ் மேனன் படம், பாண்டிராஜ் படம், எம்.ராஜேஷ் படம் என தொடர்ந்து பல படங்களில் நடித்துக்கொண்டும், இசையமைத்து கொண்டிருக்கும் ஜி.வி.பிரகாஷ் எழில் படத்திலும் நடிக்கவுள்ளார் என்பது குறிப்பிடத்தக்கது.
