‘எனக்கு இன்னொரு பேர் இருக்கு’. ரஜினியின் பாட்ஷா பட வசனம் தலைப்பானது.
‘டார்லிங்’, த்ரிஷா இல்லைனா நயன்தாரா ஆகிய படங்களின் வெற்றியை அடுத்து ஜி.வி.பிரகாஷ் தற்போது புரூஸ்லீ என்ற படத்தில் நடித்து வருகிறார். இந்நிலையில் லைகா நிறுவனம் தயாரித்து வரும் பெயரிடப்படாத படத்தில் ஜி.வி.பிரகாஷ் நடித்து வந்த நிலையில் தற்போது இந்த படத்தின் டைட்டில் அதிகாரபூர்வமாக அறிவிக்கப்பட்டுள்ளது.
இந்த படத்தின் டைட்டிலுக்கும் சூப்பர் ஸ்டார் ரஜினிக்கும் நெருங்கிய தொடர்பு இருக்கும் என ஏற்கனவே செய்திகள் வெளிவந்த நிலையில் அனைவரும் எதிர்பார்த்தபடியே சூப்பர் ஸ்டார் ரஜினியின் அனல் பறக்கும் பாட்ஷா படத்தின் வசனமான ‘எனக்கு இன்னொரு பேர் இருக்கு’ என்ற டைட்டில் இந்த படத்திற்கு வைக்கப்பட்டுள்ளது.
பாட்ஷா’ படத்தில் மழை பெய்யும் ஒருநாளில் ரஜினியை மின்கம்பத்தில் கட்டி வைத்திருப்பது போன்ற காட்சி ஒன்று வரும். அதே ஸ்டைலில் ‘எனக்கு இன்னொரு பேர் இருக்கு’ படத்தின் ஃபர்ஸ்ட்லுக் வெளியாகியுள்ளது என்பது குறிப்பிடத்தக்கது. மற்ற நடிகர்கள் ரஜினி படத்தின் டைட்டில்களை பயன்படுத்தி வரும் நிலையில் ஜி.வி.பிரகாஷ் வித்தியாசமாக ரஜினியின் வசனத்தையே டைட்டிலாக வைத்துள்ளார் என்பது குறிப்பிடத்தக்கது.
Chennai Today News: G.V.Prakash in next movie title ‘Enakku Innoru per Irukku”
