கடந்த பொங்கல் தினத்தில் வெளிவந்த ‘டார்லிங்’ ஜி.வி.பிரகாஷின் முதல்படமாக வெளிவந்தாலும், அவர் முதன்முதலில் கதாநாயகனாக நடிக்க ஒப்பந்தம் செய்யப்பட்ட படம் ‘பென்சில்’தான். இந்த படத்தில் ஜி.வி.பிரகாஷுக்கு ஜோடியாக ஸ்ரீதிவ்யா நடித்துள்ளார். மேலும் விடிவி கணேஷ், ஊர்வசி, டி.பி.கஜேந்திரன் உள்பட பலர் நடித்துள்ளனர். அறிமுக இயக்குனர் மணிநாகராஜ் இயக்கியுள்ள இந்த திரைப்படத்தை கைலாசன் மூவீஸ் தயாரித்துள்ளது.
இந்த படத்தின் படப்பிடிப்பு சமீபத்தில் முடிவடைந்த நிலையில் தற்போது ஆடியோ வெளியீட்டு தேதி அதிகாரபூர்வமாக அறிவிக்கப்பட்டுள்ளது. வரும் பிப்ரவரி 14ஆம் தேதி காதலர் தினத்தின் பாடல் வெளியீட்டு விழா சென்னையில் நடைபெறும் இடம் பின்னர் அறிவிக்கப்படும் என்று படக்குழுவினர் தெரிவித்துள்ளனர்.
இந்த படம் பிப்ரவரி இறுதியில் அல்லது மார்ச் ஆரம்பத்தில் வெளிவரும் என எதிர்பார்க்கப்படுகிறது.
