‘பிச்சைக்காரன்’ இயக்குனருடன் கைகோர்த்த ஜி.வி.பிரகாஷ்
இயக்குனர் சசி இயக்கத்தில் சமீபத்தில் வெளிவந்த ‘பிச்சைக்காரன்’ திரைப்படம் பெரும் வரவேற்பை பெற்று நல்ல வசூலும் பெற்றது. விஜய் ஆண்டனிக்கு இந்த படம் மற்றுமொரு வெற்றிப்படமாக அமைந்தது.
இந்நிலையில் இந்த படத்தின் இயக்குனர் சசி, தற்போது ஜி.வி.பிரகாஷூடன் புதிய படத்திற்காக கைகோர்க்கவுள்ளார். ஸ்ரீதேனாண்டாள் பிலிம்ஸ் தயாரிக்கவுள்ள இந்த படத்தில் ஜி.வி.பிரகாஷ் நாயகனாகவும், அவருக்கு ஜோடியாக ஒரு புதுமுகமும் நடிக்கவுள்ளதாக கூறப்படுகிறது. இதுகுறித்த அதிகாரபூர்வ அறிவிப்பு விரைவில் வெளிவரவுள்ளது.
ஜி.வி.பிரகாஷ் ஏற்கனவே ‘எனக்கு இன்னொரு பேர் இருக்கு’ படத்தில் நடித்து முடித்துவிட்டார். தற்போது அவர் ‘கடவுள் இருக்குறான் குமாரு’, மற்றும் ‘புரூஸ்லீ’ ஆகிய படங்களில் நடித்து கொண்டிருக்கின்றார். இந்நிலையில் மற்றொரு படத்தில் நடிக்க ஜி.வி.குமார் ஒப்புக்கொண்டுள்ளார். இந்த படத்தின் படப்பிடிப்பு வரும் ஜூலை முதல் தொடங்கும் என எதிர்பார்க்கப்படுகிறது.
