கடந்த சில நாட்களுக்கு முன்னர் காங்கிரஸ் கட்சியில் இருந்து பிரிந்து சென்ற ஜி.கே.வாசன் இன்று தனது புதிய கட்சியின் கொடியை அறிமுகம் செய்து வைத்தார்.
காங்கிரஸ் கட்சியின் கொடியை போன்றே இந்த கொடியிலும் ஆரஞ்சு, வெள்ளை, பச்சை வர்ணங்கள் உள்ளது. இந்த கொடியில் வெள்ளை வர்ணத்தில் நடுவில் காமராசர், மூப்பனார் ஆகிய தலைவர்களின் படங்கள் வடிவமைக்கப்பட்டுள்ளது.
நாளை மறுநாள் வெள்ளிக்கிழமை திருச்சியில் நடைபெறும் கூட்டத்தில் கட்சியின் பெயர் அறிவிக்கப்படும் என ஜி.கே வாசன் தெரிவித்துள்ளார்.
காங்கிரஸ் கட்சியில் மத்திய அமைச்சராக இருந்த ஜி.கே. வாசன், காங்கிரஸ் கட்சியில் இருந்து விலகி புதிய கட்சியை துவக்கியுள்ளார். அவருக்கு காங்கிரஸ் கட்சியின் முன்னாள் மாநிலத் தலைவர் ஞானதேசிகன் உள்ளிட்டோர் ஆதரவு தெரிவித்துள்ளனர்.
