தங்கம் விலை கடந்த ஒரு வாரமாக சரிந்து கொண்டே வரும் நிலையில் நேற்றும் தங்கம் சவரனுக்கு ரூ.328 குறைந்தது.
சென்னையில் நேற்றைய வர்த்தக நிலவரப்படி 22 காரட் தங்கம் ஒரு கிராம் விலை ரூ.2,424 ஆக இருந்தது. நேற்று ஒரே நாளில் 22 காரட் தங்கம் சவரனுக்கு ரூ.328 குறைந்து ரூ.19,932 என்றும் 24 காரட் தங்கம் 10 கிராமுக்கு ரூ.430 குறைந்து ரூ.25,930 என்றும் நகைக்கடைகளில் விற்பனையாகி வருகிறது.
தங்கத்தை போலவே வெள்ளி விலையும் நேற்று குறைந்தது. சில்லறை விற்பனைக்கான வெள்ளி ஒரு கிராம் விலை 40 காசுகள் குறைந்தது. பார்வெள்ளி கிலோவுக்கு ரூ.395 குறைந்து கிலோ ரூ.34,535-க்கு விற்பனையாகிறது.
தொடர்ந்து தங்கம் மற்றும் வெள்ளி விலை குறைந்து வருவதால் சென்னை நகைக்கடைகளில் தங்கம் வாங்க பொதுமக்கள் குவிந்து வருகிறார். இது திருமண சீசன் நாட்கள் என்பதால் தங்கம் அதிகளவில் விற்பனையாவதாக நகைக்கடைக்காரர்கள் கூறியுள்ளனர்.
