ஆளுனரின் சென்னை வருகை திடீர் ரத்தா?
தமிழக முதல்வர் ஓ.பன்னீர்செல்வம் அவர்கள் நேற்றிரவு மெரீனாவில் கொடுத்த பேட்டி தமிழக அரசியலில் பெரும் திருப்பத்தை ஏற்படுத்திவிட்டது. எந்தவித பிரச்சனையும் இன்றி இன்று முதல்வராக சசிகலா பொறுப்பேற்பார் என்று கூறப்பட்ட நிலையில் திடீர் திருப்பமாக ஓபிஎஸ் அவர்களின் பேட்டி அமைந்துவிட்டது.
இந்நிலையில் தமிழக கவர்னர் வித்யாசாகர் ராவ் அவர்களின் சென்னை வருகை ரத்து செய்யப்பட்டிருப்பதாக செய்திகள் வெளிவந்துள்ளது. அவருடைய பயணத்திட்டம் இன்னும் உறுதிசெய்யப்படவில்லை என்’றும் எனவே இன்று அவர் சென்னை வருவதற்கு வாய்ப்புகள் குறைவு என்றும் மும்பையில் உள்ள ஆளுனர் மாளிகை தெரிவித்துள்ளது.
அப்படியே ஒருவேளை ஆளுனர் மாலை சென்னை வந்தாலும் சசிகலாவுக்கு பதவிப்பிரமாணம் செய்து வைப்பாரா? என்ற கேள்விக்குறியும் எழுந்துள்ளதால் உலகமே ஆளுனரின் அடுத்தகட்ட நடவடிக்கையை உற்று நோக்குகிறது.
