விடிய விடிய கொட்டிய மழையால் குளிர்ந்தது சென்னை
கடந்த சில வாரங்களாக வெப்பத்தில் தவித்து வந்த சென்னை மக்கள் நேற்றிரவு முழுவதும் பெரும்பாலான இடங்களில் பெய்த மழை காரணமாக நீண்ட நாட்களுக்கு பின்னர் மக்கள் குளிரை அனுபவித்தனர். இந்த நிலையில் மேலும் இரண்டு நாட்களுக்கு மழை பெய்யும் என வானிலை தகவல் மையம் அறிவித்துள்ளதால் சென்னை மக்கள் மகிழ்ச்சியில் உள்ளனர்.
தென் மேற்கு பருவமழை தீவிரமடைந்துள்ள நிலையில், கர்நாடகா, ஆந்திரா, கேரளாவில் மழை வெளுத்து வாங்கி வருகிறது. இந்நிலையில் தமிழகத்தின் பல்வேறு மாவட்டங்களில் அடுத்த 2 நாட்களுக்கு மழை நீடிக்கும் என வானிலை மையம் அறிவித்திருந்தது.
இந்நிலையில், நேற்று இரவு சென்னையின் பல்வேறு பகுதிகளில் கன மழை பெய்தது. ஏற்கனவே பெயத மழையால், தாழ்வான பகுதியில் மழை நீர் தேங்கியுள்ளதை அகற்ற வழி செய்ய வேண்டும் என அப்பகுதி மக்கள் தெரிவித்திருந்தனர்.
தாழ்வான பகுதிகளில் இன்னும் மழை நீர் தேங்கியுள்ள நிலையில், நேற்று இரவு பெய்த கன மழையால் மேலும் அதிகமாக மழை நீர் தேங்கத் தொடங்கியுள்ளது.
