தாம்பரம் பகுதி மக்களை மீட்க ஒகேனக்கலில் இருந்து வந்த பரிசல்கள்
சென்னை தாம்பரம் சுற்றுவட்டார பகுதிகளில் மழை வெள்ளத்தில் சிக்கியவர்களை மீட்கும் பணி ஒகேனக்கல்லிருந்து கொண்டு வரப்பட்ட 50க்கும் மேற்பட்ட பரிசல்கள் மூலமும் நடைபெற்றது.
சென்னையின் புறநகர் பகுதிகளான மேற்கு தாம்பரம், முடிச்சூர் ரோடு, கிருஷ்ணா நகர், ஸ்ரீராம் நகர், லஷ்மி நகர் உள்ளிட்ட பகுதிகளில் கடந்த மூன்று நாட்களாக மழை வெள்ளம் சூழ்ந்த நிலையில் பொதுமக்கள் வீடுகளுக்குள் முடங்கியுள்ளனர்.
மின்சாரம் தடைபட்ட நிலையில் குடிநீர், உணவு உள்ளிட்ட அடிப்படை வசதிகள் கிடைக்காமல் பொதுமக்கள் பெரும் அவதியடைந்தனர். அவ்வாறு சிக்கித் தவித்த மக்களை ஒக்கேனக்கல் பகுதியில் இருந்து கொண்டவரப்பட்ட 50 க்கும் மேற்பட்ட பரிசல்கள் மூலம் மீட்புக் குழுவினரும், பல்வேறு அமைப்புகளைச் சேர்ந்தவர்களும் மீட்கும் முயற்சியில் ஈடுபட்டனர்.
