உலகப்புகழ் பெற்ற பிரபல ஹாலிவுட் நடிகரும், அமெரிக்காவின் கலிபோர்னியா மாகாண முன்னாள் கவர்னருமான அர்னால்ட் நேற்று தமிழ்நாடு தலைமை செயலகத்தில் முதல்வர் ஜெயலலிதாவை சந்தித்து பேசினார். இந்த சந்திப்பு 20 நிமிடங்கள் நீடித்தது.
இயக்குனர் ஷங்கர் இயக்கத்தில் விக்ரம், எமி ஜாக்சன் நடித்துள்ள “ஐ” படத்தின் ஆடியோ வெளியிட்டு விழா நேற்று மாலை சென்னை நேரு விளையாட்டு அரங்கில் மிகச்சிறப்புடன் நடைபெற்றது. இந்த விழாவுக்கு சூப்பர் ஸ்டார் ரஜினிகாந்த், ஹாலிவுட் நடிகர் அர்னால்டு, கன்னட நடிகர் புனீத் ராஜ்குமார் உள்பட பிரபல நடிகர், நடிகைகள் கலந்து கொண்டனர்.
இந்த விழாவில் கலந்து கொள்வதற்காக நேற்று காலை சென்னைக்கு தனி விமானம் மூலம் வந்த ஹாலிவுட் நடிகர் அர்னால்டு அவர்களை இயக்குனர் ஷங்கர் உள்பட திரையுலகப் பிரமுகர்கள் வரவேற்றனர். நேற்று மதியம் 2.45 மணியளவில் அர்னால்ட் அவர்களை சந்திக்க முதல்வர் நேரம் கொடுத்திருந்தார். அந்த நேரத்திற்கு மிகச்சரியாக வந்த அர்னால்ட், முதல்வரை சந்தித்து பேசினார். இது ஒரு மரியாதை நிமித்தமான சந்திப்பு என தமிழக அரசு செய்திக்குறிப்பு தெரிவித்துள்ளது.
