அஜீத்துக்கு வில்லனாக நடிக்க தயார். நடிகர் மாதவன்
சமீபத்தில் வெளியான ஜெயம் சகோதரர்களின் ‘தனி ஒருவன்’ திரைப்படம் மாபெரும் வெற்றி பெற்று வசூல் மழையில் நனைந்து வருகிறது. இந்த படத்தின் வெற்றிக்கு பல காரணங்கள் கூறப்பட்டாலும் முக்கிய காரணமாக கருதப்படுவது வலிமையான வில்லன் கேரக்டரும், அதற்கு பொருத்தமாக அரவிந்தசாமியை தேர்வு செய்த இயக்குனர் ஜெயம் ராஜாவின் புத்திசாலித்தனமும்தான் என கூறப்படுகிறது.
அரவிந்தசாமியின் கேரக்டர் வழக்கமான தமிழ்ப்பட வில்லன் போல் இல்லாமல் ஸ்டைலிஷான வில்லன் கேரக்டராக அமைந்திருந்ததால், தமிழ் ரசிகர்கள் அந்த கேரக்டரை விரும்பி ரசித்தனர். இந்நிலையில் இந்த கேரக்டரில் நடிக்க அரவிந்தசாமிக்கு முன்னர் தன்னிடம்தான் ஜெயம் ராஜா கேட்டார் என்றும், ஆனால் திடீரென அந்த வாய்ப்பு அரவிந்தசாமி சென்றுவிட்டதாகவும் பிரபல நடிகர் மாதவன் சமீபத்தில் அளித்த பேட்டி ஒன்றில் கூறியுள்ளார்.
மேலும் இனிவரும் காலங்களில் வில்லனாக நடிப்பீர்களா? குறிப்பாக அஜீத்துக்கு வில்லனாக நடிப்பீர்களா? என்ற கேள்விக்கு பதிலளித்த மாதவன், ‘யாருக்கு வேண்டுமானாலும் எந்த ரோலிலும் நடிப்பேன், நல்ல கதை அமைந்தால்’ என்று கூறியுள்ளார். மேலும் விஜய் குறித்து மாதவன் கூறியபோது, ‘.விஜய் அற்புதமானவர், எனது குடும்ப நண்பர்’ என்று கூறினார்.
