சாகும்வரை போராட தயார்! சபரிமலை தீர்ப்பு குறித்து அஜித் பட நடிகர்
சமீபத்தில் சபரிமலையில் அனைத்து வயது பெண்களும் சென்று வழிபடலாம் என சுப்ரீம் கோர்ட் வரலாற்று சிறப்புமிக்க தீர்ப்பு ஒன்றை வழங்கியது. இந்த தீர்ப்பு பெரும் ஆதரவையும் சில சர்ச்சைகளையும் ஏற்படுத்தியது.
இந்த நிலையில் அஜித் நடித்த ‘தீனா’ படத்தில் நடித்தவரும் பிரபல மலையாள நடிகருமான சுரேஷ்கோபி இந்த தீர்ப்பு குறித்து சுசீந்திரத்தில் செய்தியாளர்களிடம் பேட்டியளித்தபோது, ‘சபரிமலை குறித்த உச்சநீதிமன்றத்தின் தீர்ப்பு என்பது வேறு, மத நம்பிக்கை என்பது வேறு என்றும், பாரம்பரிய கலாச்சாரம், மத நம்பிக்கையை காப்பாற்ற சாகும்வரை போராடவும் தயாராக உள்ளேன்’ என்றும் கூறியுள்ளார்.
ஏற்கனவே பல நடிகர், நடிகைகள் இந்த தீர்ப்பை விமர்சனம் செய்திருக்கும் நிலையில் சாகும் வரை போராட தயார் என சுரேஷ்கோபி கூறியுள்ளது பெரும் பரபரப்பை ஏற்படுத்தியுள்ளது.
